ابنا: دمشق ميں فلسطيني تنظيموں کي مرکزي کونسل نے ايک بيان ميں اعلان کيا ہے کہ اسرائيل کے خلاف جہاد اور استقامت کے ذريعے ہي فلسطيني عوام کے حقوق حاصل کئے جا سکتے ہيں ـ بيان ميں کہا گيا ہے کہ اقوام متحدہ ميں فلسطيني رياست کي تشکيل سے متعلق فلسطيني انتظاميہ کے سربراہ محمود عباس کي درخواست فلسطيني قوم کي امنگوں اور خواہشات کے منافي ہےـ
ادھر حماس نے بھي محمودعباس کے اس منصوبے پر تنقيد کرتے ہوئے فلسطيني انتظاميہ کي اس تجويز کو مشروط طور پر قبول کيا ہےـ
حماس نے ايک بيان ميں کہا کہ فلسطينيوں کے حقوق کي حمايت، مستقبل کے فيصلے، فلسطيني رياست کے تشکيل، قومي حقوق کي بازيابي اور صہیوني ریاست کي مذمت کے سلسلے ميں عالمي سطح کي سياسي سرگرمياں اسي صورت ميں قابل قبول ہيں جب ان سے فلسطيني قوم کے کسي بھي منصوبے کو نقصان نہ پہنچےـ
تحريک حماس نے کہا کہ اقوام متحدہ ميں رکنيت کے لئے فلسطيني انتظاميہ کي درخواست يکطرفہ اقدام ہے جس پر فلسطينيوں کے درميان اتفاق رائے قائم کرنے کي کوشش نہيں کي گئي ہے.
..............
/169
